Basha “zgjohet” dhe kujton 2 korrikun:I bindur që Kosova do e bëj ëndrrën realitet

Advertisement

Ish-kryetari i Partisë Demokratike Lulzim Basha, me rastin e 2 korrikut, kur në vitin 1990 Kosova miratoi Deklaratën Kushtetuese, shprehet se është i bindur se burrat dhe gratë e saj do t’ia dalin që vendi të integrohet në institucionet euroatlantike.

Në një postim në mediat sociale, Basha shkruan se ndër shekuj Kosova ka ditur të tregojë guxim, forcë e largpamësi përballë sfidave të shumta që ka kaluar gjatë historisë së saj. Ai shton se është i bindur se me të njëjtin përkushtim do të vijohet me proceset euro-integruese.

Advertisement

LULZIM BASHA 

“32 vjet më parë, gratë dhe burrat e Kuvendit të Kosovës rindezën pishtarin e lirisë dhe shënuan kthesën e madhe në historinë e Kosovës. Një ditë e madhe, një ditë e bekuar për shqiptarët në të dyja anët e kufirit.
Deklarata Kushtetuese e 2 Korrikut 1990 është gurthemeli i shtetit të Kosovës, është hapi i parë drejt pavarësisë së Kosovës, që u ndërtua me Lëvizjen paqësore për Republikë dhe Pavarësi drejtuar nga Ibrahim Rugova dhe kulmoi me luftën e Ushtrisë Çlirimtare të Kosovës, për t’u realizuar e plotë në 17 shkurt 2008.
Kosova ka ditur ndër shekuj të tregojë guxim, forcë e largpamësi përballë sfidave të shumta që ka kaluar në historinë e saj.
Sot, ndërsa Kosova përgatitet për të hedhur hapa përpara drejt anëtarësimit në NATO dhe në Bashkimin Europian, kam bindjen se me të njëjtin përshkushtim dhe angazhim që luftuan për pavarësi, burrat dhe gratë, lidershipi i saj politik, do t’ia dalin të bëjnë realitet anëtarësimin në institucionet euroatlantike, vendin që ëndërruan ata që punuan dhe dhanë jetën për të.”
Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement