DETAJE/ Sherri nisi të premten mes 2 zyshave, njëra solli 7 persona me armë te dera e shkollës

Është hedhur dritë mbi atë që ndodhi mëngjesin e sotëm para shkollës “Çajupi” në Tiranë, ku u pa një sherr masiv mes disa personave.

Ngjarjen e rrëfeu një kolege e dy mësueseve që u përfshinë në sherr. Zënka ka ndodhur mes mësueses së Letërsisë dhe asaj të Historisë.

Debati mes tyre kishte nisur që ditën e premte për arsye banale. Kaq mjaftoi që mësuesja e Letërsisë të vinte në shkollë sot me 7 familjarë të saj.

Sipas rrëfimit, ata ishin të armatosur dhe nuk kishin lënë mësuesen e Historisë që të futej në shkollë. Nën kërcënimin e armëve ata i kërkuan që të sillte familjarët për sqarim.

Një familjar i mësueses që po kërcënohej kishte kaluar aty rastësisht, ndërsa ishte përballur me skenën. Pasi kishin shkëmbyer disa debate verbale, sherri ka degjeneruar deri në përdorimin e sendeve të forta, apo dhe karrigeve, ndërkohë që i plagosur ka mbetur familjari i shtetases me inicialet D.T., 32-vjeçari me inicialet E. K.

Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement