“Nisi të gjuajë…”/ Studentja në Tiranë përjeton makth, përndiqet nga…

Një studente po kthehej në shtëpinë ku jeton me qira në katin e parë. Ajo u nda në rrugë me të dashurin dhe mbasi u përqafua me të vazhdoi rrugën për në banesë. ?Por mbas shpine dëgjoi hapa të dikujt që e ndiqte. Ktheu kokën dhe nuk pa asgjë dhe nuk dalloi askënd të dyshimtë.

Vajza më pas u rikthye në polici ku kishte qenë dhe një vit më parë dhe tha se iu përsërit e njëjta ngjarje si atëherë. Një i panjohur po e ndiqte dhe ajo arrinte ta shquante përmes parandjenjës. Sipas një burimi pranë policisë, ishin shërbimet e policisë që i rekomanduan të denonconte dyshime që kishte mbasi ajo njoftoi në numrin pa pagesë. Bëhet me dije se e reja me inicialet F. S i tha të dashurit mos ta përcillte deri poshtë banesës për shkak të rrugës së pashtruar.

“Shkova e vetme në banesë, i thashë të dashurit mos të më përcillte deri tek banesa, mbasi rruga është me gropa dhe kisha merak mos i dëmtohej makina. Po shkoja në këmbë dhe ndeza dritën e celularit dhe eca nëpër lagje. Në momentin që po kaloja gropat dhe rruga është pa ndriçim ndjeva pas meje një person që po më ndiqte”.

Studentja thekson pranë policisë sipas burimeve se ktheu kokën por nuk shqoi asgjë.

“Në këtë kohë nxitova hapat për të hyrë në shtëpi dhe ndjeja që dikush ishte mbas meje. Sapo hapa derën, vendosa çantën tek dhoma ime dhe sapo hyra në tualet dëgjova zhurma hapash jashtë. Po i dëgjoja këto zhurma në ballkon”.

Sipas F. S, dhe sipas asaj që policia tregon e frikësuar vajza telefonoi të parin të vëllain.

“Ndërkohë vërejta nga dritarja se një person kishte afruar veshin pranë portës kryesore dhe po dëgjonte. Personi ishte me mjekër dhe i veshur me të zeza. Shtanga në mes të dhomës”, tregon e reja. E trembur studentja tregon se si ajo i kërkoi të vëllait të shkonte sa më shpejt në banesë, mbasi dikush po lëvizte dorezën e derës dhe po përpiqej ta hapte.

“Ndërkohë personi nisi ta gjuajë shtëpinë me gurë dhe më pas për rreth 20 minuta mbërriti vëllai me një motor, por vëllai nuk pa askënd as afër shtëpisë dhe as në lagje”.

Bëhet me dije se mbasi ka mbyllur telefonin me të vëllain e reja ka telefonuar policinë që mbasi ka shkuar në objekt nuk ka gjetur gjurmët e askujt.

Policia thotë se e njëjta situatë është denoncuar edhe më herët nga e reja që madje ka shtuar se personi në fjalë e ka ofenduar dhe sharë. E pyetur gjatë kësaj kohe se kush mund të ishte ky person, vajza ka treguar se ai mund të ishte fqinji. Edhe në rastin e dytë policia ka thërritur të dyshuarin që ka këmbëngulur se ishte në gjumë dhe se policia e zgjoi pa të drejtë.

I riu A. D thotë “sqaroj se rreth orës 01 kur mbërriti policia isha në gjumë dhe policia kërkoi shpjegime, por kam qenë në gjumë mbasi rashë herët në krevat”.

Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement