Me lot në sy, flet babai i Aldi Ramës: U tmerrova kur mora vesh se djali im vrau një polic

Babai i Aldi Ramës, Rufan Rama ka reaguar për ngjarjen e rëndë që ndodhi një ditë më parë.

Ai tha se u “tmerrua kur mori vesh se djali i tij kishte vrarë një polic”, por sot “i përvëlon shpirti për humbjen e të birit”.

“Dje në mesditë më mori në telefon djali i madh dhe më tha se çfarë kishte ndodhur. Kur më thanë se ka goditur një polic, shpresoja që të shpëtonte. Por u tmerrova kur mësova se një 44-vjeçar u vra, mbetën jetim dy fëmijë. Por sot më përvëloi shpirti që mora vesh që djali im ndërroi jetë”, u shpreh Rufani për “Shqipëria Live”.

Ky i fundit shprehu ngushëllimet për familjen e policit të ndjerë, e me lot në sy shprehet:

“Nuk kam çfarë t’u them. Çfarë t’u them fëmijëve që ngelën jetimë, gruas që mbeti vetëm. Vetëm ngushëllime. Më vjen keq për familjen e Saimirit, por më dhemb edhe shpirti për djalin tim. I kërkoj falje familjes së efektivit që vrau djali im”.

Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement