Aksidenti tragjik në Qafë-Muzinë, policia jep detaje: Pesë persona kanë humbur jetën

Policia e Shtetit ka dalë me njoftim zyrtar për aksidentin tragjik që ndodhi ditën e sotme në aksin Gjirokastër-Sarandë, te Qafa e Muzinës. Ngjarja e rëndë ka ndodhur pasi një mjet tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P. Si pasojë e përplasjes furgoni ka dalë nga rruga dhe ka përfunduar disa metra poshtë rrugës në një greminë. Policia njofton se pesë persona që ndodheshin në furgon kanë humbur jetën.

Në vendin e ngjarjes ndodhet grupi hetimor dhe është duke punuar për zbardhjen e shkaqeve të aksidentit të rëndë. Paraprakisht dyshohet se shkaku i aksidentit ka qenë shpejtësia e lartë dhe rruga e lagur si pasojë e reshjeve që ranë ditën e sotme.

Njoftimi i policisë:

Gjirokastër/Informacion paraprak.

Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P.

Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.

Për pasojë kanë humbur jetën 4 shtetas, të cilët ndodheshin në mjetin tip furgon.

Në vendngjarje ndodhet grupi hetimor dhe po punon për zbardhjen e shkaqeve të aksidentit.

Informacion shtesë:

Në vijim të informacionit paraprak për aksidentin ku u përplasën mjetet tip “Land Rover” me mjetin tip furgon dhe si pasojë humbën jetën 4 shtetas, ju informojmë se ka ndërruar jet dhe një shtetas tjetër i cili ishte pasagjer i mjetit tip furgon.

Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement