Greqia u mbyll dyert afganëve/ Ngre gardh 40 km në kufirin me Turqinë

Greqia ka instaluar një gardh dhe sistem vëzhgimi 40 km (25 milje) në kufirin e saj me Turqinë mes shqetësimit për një rritje të emigrantëve nga Afganistani.

“Ne nuk mund të presim”, u tha qytetarëve, Ministri i Mbrojtjes së Qytetarëve të Greqisë, Michalis Chrisochoidis në një vizitë në rajonin e Evros.

“Kufijtë tanë do të mbeten të paprekshëm”, shtoi ai, raporton BBC.

Komentet erdhën ndërsa Turqia u bëri thirrje vendeve evropiane të marrin përgjegjësinë për emigrantët afganë.

Në një bisedë telefonike me kryeministrin grek Kyriakos Mitsotakis, Presidenti i Turqisë, Recep Tayyip Erdogan tha se rritja e numrit të njerëzve që dëshirojnë të largohen nga Afganistani mund të përbëjë “një sfidë serioze për të gjithë”.

“Një valë e re migracioni është e pashmangshme nëse masat e nevojshme nuk merren në Afganistan dhe në Iran”, tha Erdogan.

Greqia, e cila ishte në vijën e parë të krizës së emigrantëve në vitin 2015 kur më shumë se një milion njerëz që iknin nga lufta dhe varfëria në Lindjen e Mesme kaluan nga Turqia në BE, ka thënë se mund të kthejë mbrapsht çdo afgan që mbërrin ilegalisht nëpër vend.

Për t’u bërë pjesë e page dhe grupit të “Maska.al” ne FB mjafton të klikoni:
Like Page
dhe Join Group




Advertisement